الى كل من يريد انا يصبح مشرفا على منتدانا ...ادخل هنا وانا مكتاكد انك هتشيل الفكره دى من دماغك

طبعا الزعل مرفوع

ده كله هزاااااارررر


يارب تعدى على خيرررر ومبقاش موقوف .gif" border="0" alt=""/>ه



نبتدى؟؟؟؟





اول ما المشرف ياعينى قام من النوم لقى الموبايل بتاعه بيرن

فلقى الادمن بتاع المنتدى بيتصل بيه

المشرف:اصطبحنا واصبح الملك لله ......صباح الخير يا فندم

الادمن: خير هييجى منين الخير ياسى زفت

انت سايب قسمك ونايم الله يخرب بيت اللى شار عليا الشورة السودة دى انى امسكك مشرف انت متنفعش حتى تبقى عضو موقوف


المشرف : ليه بس يا فندم دا انا حتى مغسلتش وشى ودخلت على طول على المنتدى

الادمن : عموما ادخل شوف قسمك ودا اخر انذار ليك

وانتهت المكالمه والمشرف طبعا مضايق وبيقول انا ايه بس ياربى اللى دبسنى التدبيسه السودة دى ماكنت عضو وميه ميه المهم دخل على الرسايل الخاصه بتاعته بقى لقى الرسايل دى


الرسالة الأولى

السلام عليكم ...ازيك مشرفنا .. بقولك أنا اضفت موضوع بس معرفش شكله نزل ثلاث مرات بالغلط أحذف أي واحد فيهم .. اللي يعجبك أنت بس احذف

الرسالة الثانية

مرحب مشرفنا ..... بقلك شوف : في عضو قاعدلي كل موضوع يرد عليا ويهيني قدام الأعضاء ... لو ماسكتوش هعمل حاجه محصلتش.. واقلبلكم المنتدى .. وقد اعذر من بنجر ...

الرسالة الثالثة

ياااأبو الشبااااااااااااب ألحقني ... كل ما أدخل المنتدى يطلعني بره ... ومش راضي يدخلني ايه الحكاية شكلها كدة الدخول. بفلوس ....

الرسالة الرابعة

مشرفنا ... ممكن لو سمحت تعدل اسمي من الحلوة الى ملكة جمال المنتديات <<<<<<<< مصدقه نفسها

الرسالة الخامسة

هاي عمري ... يارب تكون مبسوط .. بصراحة شخصيتك عاجباني ولك هيببة في المنتدى بس ياريت يعني اذا عملت موضوع ثبتلهولي ..على فكرة انا زعلانة محدش يثبتلي مواضيعي

وانا مال اهلى انا محدش بيثبتلك مواضيعك متتحرقى انتى والمنتدى
دا رده طبعا

الرسالة السادسة

ياعم هقلك على حاجة : مش هسلم عليك ولا حاجة انت أصلاُ ماتستاهلش كل ما اعمل موضوع تحذفهولي .. عجيبة والله ...

الرسالة السابعة

مساك زي الفل يا سوبر ستار المنتدى ...
بصراحة انا مكسوف منك عايز أطلب طلب بسيط ... يعني انا عايز اعرف ازاي المشرف بيتعامل مع المواضيع و ايه الطريقة يعني بالعربي الفصيح .. عايز الباسوورد بتاعتك اذا تكرمت

(ماهو دا اللى ناقص)

الرسالة الثامنة

يا اخي انت زودتها ... شايف نفسك علينا وكل مانكلمك ما تديناش وش .. ياخي الاشراف مش يعني بقيت ملك ... اختشي على دمك بقى .. قال مشرف قاال ... انت أصلاً خدام عندنا يعني تخدمنا .. اقولك : روح هاتلي واحد شاااي

صحيح الى ميعرفش يقول عدس

الرسالة التاسعة

حبيب قلبى... ازيك حبي .. عرفتني ؟؟ أنا أمورة .. واحشني اوي ... اقلك كلمني على الياهو ضروري ... بااااااااااي
ياريت كله كده .....ههههههههههههه

الرسالة العاشرة

(من المشرف العام)

السلام عليكم ..أخي ...الاحظ كثرة الشكاوي من الأعضاء وكثرة المشاكل أرجوا تهدئة الأمور بأسرع وقت .. وان تفعل أي شي لمصلحة المنتدى ... وشكرا ...

الرساله الحادى عشر

لو سمحت والنبى يا سعاده الباشا فى بنت موجوده على المنتدى ياريت تبقى تبعتلى ايميلها على ايميلى وليك الحلاوة طبعا

( ليه يعنى قالولك عليا فتحها عالم سمسم بوزع ايميلات )

بعدها الحمد لله المشرف لسع




نيجى لليوم التالى

mazikao : يافتاح ياعليم يارزاق ياكريم....صبحنا وصبح الملك لله...شغلانة ما يعلم بيها إلا ربنا... إيدك معايا يا زانجى علشان نفتح الساعة داخلة على سبعة والنهار شقشق

زانجى : سمى انت وادخل يامزيكاو....أنا عايز أنام شوية

مانشى: ياجدع قوم بلاش كسل...المواضيع كتيرة ولسه على ما نقرأ ونفرز ونشوف إيه اللى هنخليه وإيه اللى هنحذف منه وإيه اللى هنحرقه بجاز

زانجى : أهو اشرف وانوجه وسكر المنتدى وسمسم جم أهم...خليهم يبتدوا معاك على ما احلق دقنى واتشطف

زانجى: على فكرة ياجماعة الواد ديدو2010 ده زهقنى من عيشتى... أنا مش ملاحق عليه....ده تشوفولكم صرفه معاه

مانشى: أنا رأيى إن ديدو 2010 ده نعامله معاملة فاقد الأهلية

زانجى :الدور والباقى على اشرف وسيكو و ودودو و هناروحى...مثقفين زيادة عن النسب المسموح بيها فى أى منتدى....كلام فى والسياسة شوية والإرهاب شوية وابن لادن شوية ولا بقى no love وانوجه وفراشه كلام فى والازياء شويه وعالم المرأه والمطبخ شويه لما الضغط ابتدى يعلى عليا....انتم عارفين العنيين مفتحة علينا الأيام دى... وعشان يقلوظوا السلطنية علينا تلاقيهم فجأة نقلوا عالى العام والفكاهه علشان ننسى الكلام التقيل

زانجى: أنا شايف إن أخطر الموجودين على الإطلاق no love .....عامله ركن للسلطة فى باب المطبخ وسببت لى مشاكل فى البيت مع المدام

مزيكاو:ولا rock ياعينى سايبينه فى قسم الموبايلات لوحده ومنعزل عن باقى المنتدى

شقاوه: وسع ياجدع شقاوه الجن وصل...صباحين وحته....مين بس اللى مزعلكم وانا احذفه من عالخريطة.....أنا فيه إتنين تلاتة اربعة مش نازلينلى من زور وكل واحد فيهم عامل فيها ابو العريف وهما فى التوهان خالص....شفت اللى بيقول قتل السياح حلال...ده هنسكت له ولا حنبقى رجالة ونقف وقفة رجالة وكل ماحد منا يشوفوه يروح لازقه إنذار لحد ما يزهق من عيشته ويخلع لوحده

زانجى : إحنا معاك يابو الشقاوه.....لازم نقف لهم وقفة رجالة...قتل السياح حرام وجوازعتريس من فؤادة باطل....اللى عايز يجاهد يجاهد هناك فى الخرابة ما يجيش يجاهد هنا

سكر المنتدى: أنا رأيى إن الفرخة وهيا بتعبر الطريق داست على كل اللى قدامها....نتعلم من الفرخة ياجماعة مش عيب....اللى مش عاجبه قواعد الكتابة هنا ندوس عليه أو أقل ما فيها ننتف ريشه

شقاوه: عفارم يا ياسكر...هيا دى...ننتف ريشه....فكرة بمليون جنيه...بعيد عن الإنذارات واللبش...ننتف ريشهم يعنى نعريهم...هيا دى

كيتى لاف : أنا ضد العنف فى الحوار ياجماعة....مش كل ما نختلف مع واحد فى الرأى ننتف ريشه...خلينا نتحاور معاهم حوار راقى يانقنعهم يا يقنعونا

زانجى : يا كيتى معلش مع إحترامى فى كام واحد جايين جداد هنا محتاجين شوية ترصيص وظبط زوايا


كفايه بقى كده علشان ماحدش يفكر يقتلنى


ارجو الموضوع ينال أعجابكم واتمنى بدون زعل


كـــــــــــــيــــــــــــــمـــــــــــــــــــــو

يا جميل انتى الموضوع جميل بس امتى نلاقى كل دة
ههههههههههههههههههههههههههههههههههههههههههههههههههه

هههههههههههههههههههههههههههههههههه
بجد موضوعك يجنن