أخيراّ .. Prince Of Persia -2008- [تحميل+تقرير+الاضافات]

بسم الله الرحمن الرحيم
السلام عليكم و رحمة الله و بركاته



اخيرا وبعد صراع طويل مع المرض ubisoft حنت علينا و نزلت السلسلة الجديدة من اللعبة _الظاهرة_ Prince Of Persia
اللعبة مختلفة كليا عن أي جزء سابق ل POP ولا تمت باي صلة لثلاثية Sands Of Time ..
- لا البرنس هو نفس البرنس
- فيه فرح (لكن المرة دي حمارة مش بنت زي القمر زي الجزء التالت ، أو خدامة زي اللي فى الجزء الأول )
- الاحداث غير الاحداث
- الاماكن غير الاماكن
- ومافيش رمل مسحور .. وطبعا مافيش لا دهاكا ولا كايلينا...

الحقيقة اللعبة رائعة بكل المقاييس
وفيها مميزات و اساليب قتالية غير طبيعية جديدة
والاهم من كل ده ان الوجود الانثوي المرة دي فى اللعبة ليه لازمة واهمية والمتمثل فى شخصية "إليكا"
اللي فعليا لولاها كانت اللعبة انتهت من بدايتها .. ولولا وجودها ماكاناش عرفنا ان فيه اجزاء قادمة للسلسلة الحالية ..

POP الجديدة و اللي اطلق عليها اكتر من مسمي زي Prodigy .. او Ghost of the past
واخيرا اكتفت ubi انها تنزلها باسم Prince of persia
علشان توقع كل محبي وعشاق POP السابقين فى حيرة
لان برنس الجديد فعلا مالوش اي علاقة ببرنس القديم
ولا ليه علاقة بالبرنسه من اساسه

القصة بتبدأ من خلال رحالة عادي جدا لف وشاف كتير وهو بطلنا
واللي كالعادة بدون إسم .. وهي دي عادة الغرب وعقدتهم الازلية Man without name franchise

===========================

تبدأ الرحلة من قلب الصحراء فى واحة رائعة الجمال واخينا تايه بيدور على حمارته اللي إسمها (فرح) و دي سخرية مش طبيعية وغير مفهومة من Jordan Mencher الاب الروحي ل POP .. وان كنت بصراحة حاسس ان فيه حاجة من ورا النقطة دي هتكشفها لينا الاجزاء القادمة ...
فجأة لقي بنت جميلة بيطاردها الاوغاد
وكالعادة الشهامة اخدته للدفاع عنها ، علشان يتورط فى النهاية فى حرب بين الاهين ..
الاول وإسمه : Ormazd وده إله النور لدي الفرس
اما الاخر فهو : Ahriman وده إله الظلام عندهم
والاسطورة الفارسية فعلا موجودة ومسجلة عن حرب بين الاخين مش اختراع من مبدعي POP ..

الاطار الرئيسي للقصة عن ان ormazd وهو اله النور لديه كهنة اللي اسمهم Ahura .. واللي إليكا اخر واحدة منهم ..
اليكا ماتت بشكل ما غير مفهوم
ولان ابوها كان بيحبها بجنون قرر انه يبيع نفسه لاله الظلام Ahriman اللي هيرجعله بنته
فى نظير انه يحرره من الحبس اللي تم وضعه فيه بعد حرب حدثت فى قديم الزمن بينه وبين اخوه Ormazd اله النور
اللي استطاع انه يحبسه فى معبد وربط حريته بشجرة سموها شجرة الحياة ..
قام الملك ابو إليكا بتحرير قوي الشر التابعة لـ Ahriman واللي اسموها فى اللعبة بإسم Corruption ..
واللي عبارة عن مادة سوداء لزجة وصفها برنس فى اللعبة بأنها سيئة الشكل وتعطي احساس بالقرف + ريحتها قذرة
والحقيقة انا متأكد من اول نقطتين لان فعلا شكلها مقرف جدا

مادة ال Corruption سيطرت بشكل كامل على الواحة ودمرتها عن بكرة أبيها
واللي متمثلة فى 4 مناطق رئيسية
كل نقطة متقسمه ل مدخل و 4 نقاط حصينة و حصن لزعيم المنطقة ..
المطلوب من البرنس فى اللعبة هو مساعدة اليكا للوصول للنقاط دي لتحرير كافة الاراضي من ال Corruption عن طريق استخدام قواها السحرية واللي بيتم دعمها وتقويتها بشكل مباشر من أورمازد اللي إليكا تؤمن بيه إيمان كامل ..
واللي الحقيقة ماكانش دوره بالقوة الكافية اللي عملها أخوه الشرير
اللي الحقيقة دعم اصحابه بشكل سخي جدا
أورمازد اكتفي بأنه ينام ويسيب برنس وإليكا يشيلوا الليلة

برنس شخصية مستهترة ،متهورة ، دمه خفيف جدا ، مغرور جدا ، ماعندوش أي إيمان بألوهية اورمازد او اهرمان والنتيجة هي سخرية منهم على طول اللعبة .. مؤمن فقط بقدراته وبالحظ ..
إليكا على النقيض تماما منه ..

اللعبة تعمل على نفس ال Game Engine اللي اشتغلت عليه لعبة Assassins Creed لكن بشكل معدل تماما ..
والتعديلات التقنية انا كنت قريت مقال عنها والحمد لله مافهمتش أي حاجة
فمش هنتكلم فيها لكن بشكل عام وحسب تأكيدات أوبي فالمحرك ده بيدي حرية أكتر وديناميكية اعلي و سطحية أقل
وابقوا قابلوني لو حد كان فهم حاجة

الجرافيكس فى اللعبة جديد تماما من نوعه وبيعتمد بشكل اساسي على نوعية الجرافيكس المستخدم فى افلام الانيمي والرسوم المتحركة لكن بشكل ثلاثي الابعاد وبتفاصيل أعلي بكتير ...

اما عن ال gameplay الخاص باللعبة
فكعادة منتجي ومبدعي POP حرصوا على التركيز على قدرات برنس الاساسية
الشعلقة على الحيطان
والتنطيط على الجدران
و الشعبطة فى العواميد
ده غير طبعا قفاز حديد لابسه برنس بيديله قدرات رهيبة فى الحركات البهلوانية وفى القتال ..
===========================

لكن بشكل جديد ومميز جدا .. ده بالاضافة للقدرات السحرية اللي بيضيفها برنس لإليكا عن طريق جمع Light Spots .. بعد تحرير كل ارض من ال Corruption اللي اصابها ..
وده بيديها القدرة على اضافة قدرات بهلوانية سحرية جديدة ليها تساعد بيها برنس
زي أجنحة أورمازد
أنفاس أورمازد (بيحشش بس بياخد نفس تقيل قوي )
خطوات أورمازد
ومشي أورمازد
قدرات زي الفل .. وبارك الله فيما رزق

\/\/\/\/\/\/\/\/\/\/\/\/\/\/\/\/\/
=======================

من ناحية الصعوبة اللعبة تعتبر الاسهل في كل ال 3 اجزاء السابقة
لكن ده ماينفيش فكرة ان فيه تحديات اكروباتية كتيرة جدا فى اللعبة انا وقفت فيها لفترة ..
ده غير ان فيه لغز انا قعدت فيه ساعة علبال ماجبته
اما باقي الالغاز فسهلة جدا .. على الاقل مش فى مستوي لغز صوت المياه اللي كان فى POP - SOT
او لغز التمثال فى POP - TT

القتال الاخير مع إله الظلام منفذ بشكل متقن ورائع للغاية
الحقيقة قصة اللعبة لغاية النهاية سطحية جدا
ويمكن كانت صدمة ليه لان قصة SOT كانت فعلا تحفة وال Screenplay ليها كان اكثر من رائع ..
لكن كانت الصدمة الحقيقة ليه فى النهاية الغير متوقعة نهائيا واللي اضافت احداث مش متوقعة اطلاقا ونهاية غير محسوبة نهائيا !!
واللي مش هحرقها ليكم حفاظا على جو اللعبة وعنصر المفاجأة ...

انا هضيف اكتر من رابط لتحميل اللعبة
اللي اتمني انها تنال اعجابكم إن شاء الله
وهحاول قدر المستطاع انى ارفعها ...

مبدئيا امكانيات الجهاز المطلوبة لتعمل اللعبة بشكل مميز


===================================

* Supported OS: Windows XP/Windows Vista
* Processor: Dual core processor 2.6 GHz Intel Pentium D or AMD Athlon 64 X2 3800+ (Intel Core 2 Duo 2.2 GHz or AMD Athlon 64 X2 4400+ or better recommended)
* RAM: 1 GB Windows XP/2 GB Windows Vista
* Video Card: 256 MB DirectX 10.0?compliant video card or DirectX 9.0?compliant card with Shader Model 3.0 or higher (see supported list)
* Sound Card: DirectX 9.0 or 10.0?compliant sound card (5.1 sound card recommended)
* DirectX Version: DirectX 9.0 or 10.0 libraries (included on disc)
* DVD-ROM: DVD-ROM dual-layer drive
* Hard Drive Space: 8 GB
* Peripherals Supported: Keyboard, mouse, optional controller (Xbox 360 Controller for Windows recommended)
* Supported Video Cards at Time of Release: ATI RADEON X1600/1650-1950/HD 2000/3000 series NVIDIA GeForce 6800/7/8/9 series

==================================
-=-=-=-=-=-=-=-=-=-=-=-=-=-=-=-=-

لو كان لديك بروسيسور Intel Pentium (R) 2.6 فما فوق
اللعبة هتعمل عادي جدا جدا بكامل طاقتها ..
يعني الامكانيات مش تعجيزية قوي الحقيقة واللعبة تستحق ..


لتحميل اللعبة ..

كــــــــــــــــــــــــــــــــــــــــــــود
--------------------------------
http://www.megaupload.com/?d=HREBV1RH
http://www.megaupload.com/?d=5XAM9IDY
http://www.megaupload.com/?d=1O01C0EN
http://www.megaupload.com/?d=7XZSOD4H
http://www.megaupload.com/?d=CJKP7TL9
http://www.megaupload.com/?d=OUGIFJ7P
http://www.megaupload.com/?d=Y0KVFF2O
http://www.megaupload.com/?d=L9NEFVY3
http://www.megaupload.com/?d=BEQWNQ2X
http://www.megaupload.com/?d=B71RMRZ3
http://www.megaupload.com/?d=WLZKDL4J
http://www.megaupload.com/?d=FV9A716O
http://www.megaupload.com/?d=4F5KCVK0
http://www.megaupload.com/?d=UKW8V1WU
http://www.megaupload.com/?d=U6PA7S4V
http://www.megaupload.com/?d=LQ7XC4O0
http://www.megaupload.com/?d=Y1J3XMAZ
http://www.megaupload.com/?d=UTDY6CEU
http://www.megaupload.com/?d=EW16LLBV
http://www.megaupload.com/?d=0CE9Y24I
http://www.megaupload.com/?d=T0VOC07Z
http://www.megaupload.com/?d=SELFTSEP
http://www.megaupload.com/?d=NXJVP511
http://www.megaupload.com/?d=1DVLYU1O
http://www.megaupload.com/?d=UG140J0J
http://www.megaupload.com/?d=GXOCB0W0
http://www.megaupload.com/?d=QVAII81A
http://www.megaupload.com/?d=RNE1VWH7
http://www.megaupload.com/?d=5G6EV5UZ
http://www.megaupload.com/?d=DSXY0OMM
http://www.megaupload.com/?d=ZQTOK2ON
http://www.megaupload.com/?d=RW8O7W1F
http://www.megaupload.com/?d=Q9KWHF7Y
http://www.megaupload.com/?d=EX2YKOTZ
http://www.megaupload.com/?d=6SGE8F40
http://www.megaupload.com/?d=N4HFLIZS
http://www.megaupload.com/?d=YDCK4O5A

==========================

باسوورد فك الضغط لكافة الملفات السابقة ..
irfree.com


==========================
قمت بتنصيب اللعبة
هتحتاج 10 جيجا اثناء التنصيب
وبشكل نهائي هتحتاج 7 جيجا
لو كنت مسطب لعبة Assassins Creed
كل اللي هتحتاجه 4 جيجا فقط ..
===========================
أتمني يكون التقرير نال اعجابكم
وفى حالة وجود اي اضافات ان شاء الله هيتم اضافتها
اتمني للجميع الاستمتاع باللعبة الرائعة
وفي انتظار برنس الجديد

لا تنسونا فى صالح دعائكم
في أمان الله...